É hora de restaurar os humidais: actuacións da SGHN – Sección Antela

Cartaz do Día dos Humidais 2023 / SGHN e Concello de Sandiás
O próximo sábado 4 de febreiro de 2023, a Sociedade Galega de Historia Natural e o Concello de Sandiás organizan unha actividade para a conmemoración do Día Mundial dos Humidais e dos “primeiros 50 anos” do GOG (Grupo Ornitolóxico Galego) – SGHN cunha visita pola Limia ós traballos de restauración desenvolvidos pola Sección Antela, recentemente galardoada co Premio Pedra Alta do Museo Etnográfico da Limia.
- Punto de encontro: diante do Concello de Sandiás
- Horas de encontro: 09:45 h para as actividades da mañá e 16:00 h para as actividades da tarde.
- 10:00 a 13:45 h: Visitas aos traballos no “Humidal Antonio Villarino” (propiedade de SGHN) e a Veiga de Gomareite (extremo norte da antiga lagoa de Antela).
- 16:00 a 18 h: Visitas aos proxectos nas areeiras da Limia.
- 18:30 h: Charla sobre o complexo húmido Limia-Antela na “Casa da Lagoa” (en Sandiás) polo presidente da SGHN, Serafin González.
Para participar, apuntarse no Concello (Tlf: 988 46 50 01) indicando unha das dúas opcións:
– Actividade
– Actividade + reserva comida no Restaurante Novaiño (Piñeira de Arcos). Menú do día: 13 Euros